Siońnia ŭdzień rasijski sajt Onedision abviaściŭ, što biełaruski śpiecyjalist Viktar Hančarenka, jaki piać razoŭ pryvodziŭ BATE da załatych miedaloŭ čempijanatu Biełarusi, zvolnieny z rasijskaj «Kubani».
Zatym krasnadarski kłub hetu infarmacyju abvierh.
Ale praź niekalki hadzin Sport-Ekspriess paviedamiŭ, što treniroŭku kamandy paśla niekalkich vychodnych pravodziŭ pamočnik hałoŭnaha treniera «Kubani» Arsien Papikian. Pavodle SE,
Viktar Hančarenka siońnia raźvitaŭsia z futbalistami,
adnak pakul aficyjnaha paćviardžeńnia jaho zvalnieńnia pakul nie było. Na sajcie kłuba infarmacyi niama.
Hančarenka ŭznačaliŭ krasnadarski kłub u kastryčniku 2013 hoda, źmianiŭšy rumyna Darynieła Muncianu.
Pavodle «Sport-Ekspriessa», pasadu hałoŭnaha treniera «Kubani» ź vielmi vysokaj dolaj vierahodnaści zojmie inšy biełaruski śpiecyjalist — Leanid Kučuk,
pad kiraŭnictvam jakoha ŭ siezonie-2012/13 krasnadarskaja kamanda zaniała 5-je miesca i zavajavała pucioŭku ŭ Lihu Jeŭropy. Kali nie zdarycca ničoha niepradbačanaha, 55-hadovy śpiecyjalist zaklučyć kantrakt da kanca hetaha tydnia.
U ciapierašnim siezonie rasijskaj premjer-Lihi paśla 13 turaŭ krasnadarskaja kamanda znachodzicca na piatym radku ŭ turnirnaj tablicy, adstajučy ad CSKA, jaki zajmaje druhoje miesca, usiaho na adzin bał.
