Pavodle słoŭ kiraŭnika Centrvybarkama Lidzii Jarmošynaj, budučyja prezidenckija vybary «ŭžo vyklikajuć peŭnuju cikavaść».
«Ja spadziajusia, što jany buduć padtrymanyja jak vybarščykami našaj krainy, tak i pryznanyja mižnarodnaj supolnaściu, a taksama buduć spryjać i pracavać na karyść našaj dziaržavy», — zajaviła Jarmošyna.
Najbolš vierahodnaj dataj praviadzieńnia prezidenckich vybaraŭ jana nazvała niadzielu 15 listapada 2015 hoda.
Jana paviedamiła, što vybary buduć pryznačanyja deputatami pałaty pradstaŭnikoŭ. «Heta adzinyja vybary, jakija pryznačajucca nie kiraŭnikom dziaržavy», — adznačyła staršynia Centralnaj kamisii.
Jarmošyna taksama paviedamiła, što jaŭka vybarščykaŭ, pry jakoj budzie ličycca, što vybary adbylisia, pavinna być nie mienš jak 50% ad liku hramadzian, uniesienych u śpisy dla hałasavańnia.
«Kandydatam u prezidenty moža stać hramadzianin Biełarusi ŭzrostam nie mienš jak 35 hadoŭ, hramadzianin pa naradžeńni, jaki apošnija 10 hadoŭ pražyvaje na terytoryi Respubliki Biełaruś i sabraŭ nie mienš jak 100 tysiač podpisaŭ hramadzian», — adznačyła jana.
