Pra heta na ekśpiertna-miedyjnym forumie «Paznajučy Sajuznuju dziaržavu: ad Bresta da Uładzivastoka» paviedamiła pres-sakratar Rasijskaha sajuza turystyčnaj industryi Iryna Ciuryna.
«Turysty razhladajuć Biełaruś u pieršuju čarhu jak lačebna-azdaraŭlenčy napramak. 80-90 pracentaŭ turpatoku — heta sanatoryi»,
— kanstatavała Iryna Ciuryna.
Ab jakaści miedpasłuh, adnosinach miedpiersanału da klijentaŭ u biełaruskich sanatoryjach rasijskija turysty adzyvajucca dobra. «Ludzi vielmi zadavoleny. Savieckaja miedycynskaja škoła ŭ biełaruskich sanatoryjach zachavałasia. Heta cenicca», — skazała Ciuryna. U toj ža čas servis u biełaruskich zdraŭnicach, na dumku rasijan, krychu sastareŭ.
Zvyčajna rasijskija turysty jeduć u Biełaruś na 10-12 dzion. Kuplajučy pucioŭki zimoj, starajucca zachapić navahodnija śviaty. Na ekskursii ŭ Biełaruś jeduć 10-20 pracentaŭ rasijskich turystaŭ. Čaściej za ŭsio addajuć pieravahu naviedvańniu Minska i jakoj-niebudź z abłaściej.
Samy papularny kurort u rasijan — «Siličy».
Iryna Ciuryna adznačyła, što zimovy navahodni adpačynak u Biełarusi padaražeŭ na 10 pracentaŭ, ale ceny tym nie mienš zastajucca kankurentnymi ŭ paraŭnańni ź jeŭrapiejskimi.
