Adnak nie ŭsie mašyny akazalisia «čystymi». Pry ich pastanoŭcy na ŭlik u DAI vyjaviłasia, što
ŭ 119 aŭtamabilach byŭ źmienieny identyfikacyjny numar. Jašče 95 byli zaviezieny ŭ našu krainu pa padroblenych dakumientach. A 52 aŭto znachodzilisia ŭ vyšuku ŭ Rasii — kradzienyja.
Čamu ašukvajuć biełarusaŭ? Pa słovach supracoŭnikaŭ Hałoŭnaha ŭpraŭleńnia kryminalnaha vyšuku MUS, nie vykonvajucca elemientarnyja patrabavańni zakona pa častcy kupli-prodažu.
«Niaredka «pradaviec» prapanuje pakupniku tolki pakinuć svaje ankietnyja źviestki (abo ksierakopiju pašparta), a praź niejki čas pieradaje aformlenuju biez udziełu pakupnika damovu kupli-prodažu i dakumienty na aŭtamabil. Paźniej i vyśviatlajecca, što papiery padrobleny, identyfikacyjny numar aŭtamabila źmienieny i sam jon — u vyšuku», — adznačyli ŭ MUS. U ministerstvie rajać prymać niepasredny ŭdzieł u składańni dakumientaŭ, jakija paćviardžajuć uhodu, afarmlać hetyja dakumienty tolki va ŭstanovach, jakija majuć na heta paŭnamoctvy. A pry źniaćci mašyny z uliku niepasredna prysutničać u DIBDR. Ci znachodzicca mašyna ŭ vyšuku ŭ Rasii, možna pravieryć na sajcie inśpiekcyi.
