Viečaram 11 listapada za 200 mietraŭ ad biełaruska-litoŭskaj miažy, u Voranaŭskim rajonie Hrodzienskaj vobłaści, na padstavie infarmacyi miascovych žycharoŭ pamiežniki zatrymali pažyłuju hramadzianku Litvy.
Jak paviedamlaje Dziaržaŭny pamiežny kamitet Biełarusi, u žančyny 1926 hoda naradžeńnia pry sabie nie było dakumientaŭ. Jana skazała, što zabłukała i nienaŭmysna pierajšła dziaržaŭnuju miažu ź Litvy ŭ Biełaruś.
Ź infarmacyi litoŭskich pamiežnikaŭ stała viadoma, što ŭ hety dzień žančyna źnikła z balnicy ŭ nasielenym punkcie Ejšyškies.
Parušalnicy režymu dziaržmiažy vyniesienaje papiaredžańnie, jana pieradadzienaja supracoŭnikam Varenskaha atrada Słužby achovy dziaržmiažy pry MUS Litvy.
Za 10 miesiacaŭ hetaha hoda na biełaruska-litoŭskim učastku za anałahičnaje błukańnie z parušeńniem miažy biełaruskim pahraničnikam daviałosia raźbiracca z 28 hramadzianami (16 ź ich hramadzianie Biełarusi, 11 — Litvy, adzin — Ukrainy).
