Jak paviedamlajuć polskija ŚMI, hrupa nieviadomych ludziej z krykami «My zialonyja čałaviečki» sarvała akcyju ŭ padtrymku Ukrainy ŭ Krakavie.
Akcyja ŭ padtrymku Ukrainy, arhanizavana vydańniem Gazeta Polska, była sarvanaja niekalkimi dziasiatkami ludziej u maskach. Niekatoryja ź ich byli zahornuty ŭ ściahi niepryznanaj Danieckaj narodnaj respubliki, na ich vopratcy byli hieorhijeŭskija stužki. Jany skandavali: «My zialonyja čałaviečki». Akramia hetaha, jany pahražali prysutnym «Iskanderami» — rasijskimi rakietnymi kompleksami.
Adkaznaść za napad na siabie ŭziała ŭltrapravaja arhanizacyja «Łahier Vialikaj Polščy». Na ich sajcie možna sustreć zhadki pra inšyja «antybanderaŭskija» akcyi, arhanizavanymi imi. Pa inšych paviedamleńniach, da napadnikaŭ dałučylisia i pradstaŭniki «Samaabarony».
«Hazieta Polska» tradycyjna padtrymlivaje polskuju partyju «Prava i spraviadlivaść», jakuju ŭznačalvaje Jarasłaŭ Kačyński.
