Pra heta ŭnuk uźbiekskaha prezidenta Isłama Karymava — syn jaho starejšaj dački Hiulnary, jakaja zaznała pieraśled z boku ŭładaŭ, Isłam zajaviŭ u intervju Bi-Bi-Si.
Isłam miarkuje, što jaho dzied pazbaŭleny dakładnaj infarmacyi ab situacyi ŭ krainie, i vinavataja ŭ hetym babula — Taćciana Karymava.
«Adnojčy jon [prezident Karymaŭ] skazaŭ mnie: «Ja chaču padklučycca da Internetu, mnie patrebien kampjutar». Ja staŭ jaho vučyć.
Tady babula vyklikała mianie ŭ bok i stała łajać: «Ty z hałavoj siabruješ ci nie? Što budzie, kali jon stanie ŭsio čytać i viedać pra ŭsio? Što my tady budziem rabić?»
Nastupnym razam, pryjšoŭšy da dzieda, ja ŭbačyŭ, što kabiel adklučany [ad madema], a babula zahadała skazać dziedu, što internet nie pracuje», — raspavioŭ syn Hiulnary Karymavaj.
