Navukoŭcy Kijeŭskaha nacyjanalnaha ŭniviersiteta imia Šaŭčenki pradstavili kancepcyju štučnaha kibiernietyčnaha jazyka.
Vyniki raboty apublikavanyja ŭ časopisie ACS Applied Materials & Interfaces.
Datčyk zdolny analizavać rečyvy anałahična čałaviečamu jazyku i pieradavać na kampjutar źviestki, padobnyja da tych, što mozh atrymlivaje ad receptaraŭ smaku.
Taki «kibieriazyk» budzie niedarahoj i ekałahičnaj pryładaj.
Elektronny jazyk składajecca z troch płastoŭ: kremnija, napyleńnia vadkaha rečyva, jakoje analizujecca, i škła, jakim rečyva nakryvajecca. Datčyk analizuje toje, jak adbyvajecca transpart elektronaŭ pad uździejańniem śviatła, što padaje na škło. Ad składu vadkaści zaležyć i jaje smak.
Z dapamohaj «kibieriazyka» navukoŭcy zmahli «pakaštavać» armańjak, kańjak i viski i daviedacca ich detalovy skład.
Navukoŭcy ličać, što elektronny jazyk znojdzie ŭžyvańnie ŭ farmaceŭtycy i charčovaj pramysłovaści, u słužbach ekałahičnaha kantrolu i na mytni — paŭsiul, dzie treba apieratyŭna «liznuć» toje, što dla čałavieka moža być niebiaśpiečnym.
