«Hałoŭnaja jołka Biełarusi tradycyjna raźmieścicca na Kastryčnickaj płoščy. Jaje vyšynia dasiahnie 33 m. Kožny hod my raspracoŭvajem indyvidualny dyzajn uboru hałoŭnaha navahodniaha atrybuta, starajučysia zrabić siurpryz žycharam respubliki. Na hety raz centralnuju jołku krainy ŭpryhožać u nacyjanalnym styli»,
— skazaŭ namieśnik dyrektara—hałoŭny mastak dziaržaŭnaha pradpryjemstva «Minskrekłama» Alaksiej Martynaŭ.
Usiaho ŭ hetym hodzie dziaržaŭnaje pradpryjemstva «Minskrekłama» ŭstanović u stalicy 14 navahodnich jołak. Śviatočnuju atmaśfieru stvorać jołki kala Doma ŭrada i Minharvykankama. Pra nabližeńnie Novaha hoda zialonyja pryhažuni buduć napaminać kala Nacyjanalnaj biblijateki, Pałaca sportu, spartyŭnych kompleksaŭ «Minsk-Arena» i «Čyžoŭka-Arena», Ladovaha pałaca, Minskaha dziaržaŭnaha pałaca dziaciej i moładzi, Ratušy, Kafiedralnaha sabora, u parku imia Paŭłava, Łošyckim parku i kala Kamaroŭskaha rynku. Mantaž navahodnich pryhažuń u stalicy pačaŭsia ŭžo. Zaviaršyć hetu rabotu płanujecca nie paźniej za 10 śniežnia.
