Pavodle słoŭ zahadčycy adździeła epidemijałohii Voranaŭskaha rajonnaha centra hihijeny i epidemijałohii Haliny Biełavus, siarod zachvarełych dźvie ciažarnyja žančyny i troje dziaciej 10, 13 i 16 hadoŭ.
Śpiecyjalist zaznačyła, što sansłužba rajona praviała hutarki z žycharami Voranava, a taksama padvorkavy abchod viosak Śviły i Kanvieliški, žychary jakich, jak miarkujecca, mahli ŭžyvać zaražanaje miasa. U vyniku jašče vaśmi žycharam rajona pryznačyli prafiłaktyčnaje lačeńnie. Śpiecyjalist asabliva adznačyła ciažar zachvorvańnia dla ciažarnych i dziaciej, a taksama niehatyŭny ŭpłyŭ na arhanizm supraćhielmintnych preparataŭ dla lačeńnia trychinielozu.
Krynica zaražeńnia dakładna nie vyjaŭlenaja. Miarkujecca, što ludzi spažyvali miasa dzika.
Pavodle słoŭ epidemijołaha, «tyja, chto zarazilisia, nie pryznajuć heta, zachoŭvajučy intaresy palaŭničaha, jaki niezakonna zastreliŭ dzika, z-za hetaha i nie pravieryŭ jaho miasa ŭ vieterynarnaj słužbie».
Pravierku pa fakcie masavaha zaražeńnia na trychinieloz pravodzić Voranaŭski RAUS.
Razam z tym nielha vyklučyć, što 24 zachvarełyja — heta nie kančatkovaja ličba, dadała zahadčyca adździeła epidemijałohii Hrodzienskaha abłasnoha centra hihijeny, epidemijałohii i hramadskaha zdaroŭja Taćciana Jakusievič. Pavodle jaje słoŭ,
inkubacyjny pieryjad zachvorvańnia składaje da 40 dzion, i možna čakać vyjaŭleńnia novych chvorych.
Pieršyja z zaražanych źviarnulisia pa dapamohu 3 listapada.
Jakusievič padkreśliła, što «biezadkazna ŭžyvać u ježu i tym bolš davać dzieciam niepravieranaje miasa». U abaviazkovym paradku nieabchodna pravodzić paślazareznuju vieterynarnuju ekśpiertyzu tuš zdabytych na palavańni i vyraščanych na damašnim padvorku žyvioł. Nielha ŭžyvać u ježu miasa dzikoŭ da atrymańnia vynikaŭ trychiniełaskapičnaha daśledavańnia. «Taksama nielha skormlivać palaŭničym sabakam i damašnim śvińniam unutranyja orhany i adchody palaŭničaha promysłu da vieterynarnaj ekśpiertyzy zdabytych tuš pramysłovych žyvioł. Nielha nabyvać miasapradukty ŭ nieviadomych asob pa-za ŭstanoŭlenymi miescami handlu», — skazała jana.
Trychinieloz — vostraje zachvorvańnie, jakoje supravadžajecca lichamankaj i alerhičnymi prajaŭleńniami. Pry intensiŭnym zaražeńni moža ŭskładniacca orhannymi i sistemnymi paražeńniami. Čaściej raźvivajucca mijakardyt i pnieŭmanija, radziej mieninhaencefalit, abdaminalny sindrom, a taksama paražeńni piečani, nyrak, flebity, trambozy bujnych sasudaŭ.
