Kramloŭskaja prapahanda vydała čarhovy fejk: na Pieršym kanale prademanstravali nibyta zdymki «zamiežnaha spadarožnika-špijona», na jakich pakazany pusk rakiety «pavietra-pavietra» pa pasažyrskim samalocie — mierkavanym małajzijskim «Boinhu-777».
Adzin z aŭtaraŭ materyjału adyjozny Michaił Lavonćjeŭ. U materyjale śćviardžajecca, što na zdymkach nibyta ataka na małajzijski «Boinh 777», jaki byŭ źbity bajevikami nad Danbasam 17 lipienia. Jon taksama zajaŭlaje, što zdymak atrymała arhanizacyja «Rasijski sajuz inžynieraŭ» z-za miažy.
U prahramie zadziejničany čałaviek, jaki nibyta dasłaŭ zdymak i źjaŭlajecca vypusknikom MIT. Jon nazvaŭ siabie «avijaekśpiertam» z dvaccacihadovym dośviedam Džordžam Biłtam.
«Boinh» byŭ źbity reaktyŭnym źniščalnikam. Spačatku ekipaž abstralali z harmaty, zatym u kabinu trapiła rakietaj «pavietra-pavietra», zatym pravy ruchavik i pravaje kryło byli paškodžanyja rakietaj ź ciepłavoj sistemaj samanaviadzieńnia», — kaža «ekśpiert».
Zastajecca niekalki pytańniaŭ, piša Unian: kali heta zdymki zamiežnaha spadarožnika-špijona, čamu čałaviek, jaki maje dostup da sakretnaj infarmacyi, pieradaŭ jaje niezrazumiełaj rasijskaj arhanizacyi — «Rasijski sajuz inžynieraŭ»; jak pasažyrski «Boinh» zmoh vytrymać ataku źniščalnika ŭ try zachody i chto taki Džordž Biłt, ab jakim viadučy kaža ab «nieviadomym biezumoŭnym prafiesijanale».
