Žurnalisty zachodnich ŚMI sfatahrafavali na ŭschodzie Ukrainy rasijskija sistemy nazirańnia i kiravańnia artyleryjskim ahniom 1RŁ239 «Ryś» i 1RŁ232 «Leapard»,
paviedamiŭ sajt foreignpolicy.com sa spasyłkaj na anłajn-časopis The Interpreter.
1RŁ232 «Leapard» u zachoplenym rasiejskimi bajavikami ŭkrainskim horadzie Tarez.
Vajskovyja ekśpierty ličać, što hetyja sistemy značna pavialičać efiektyŭnaść artyleryjskaha ahniu rasijskich bajevikoŭ. Heta braniravanyja radarnyja ŭstanoŭki mohuć adsočvać ruch vojskaŭ praciŭnika i ahoń artyleryjskich batarej.
1RŁ239 «Ryś» na terytoryi Ukrainy, kala Tareza.
U toj čas jak va ŭkrainskich arsienałach jość nievialikaja kolkaść 1RŁ232 «Leapard» savieckaj vytvorčaści, «Rysi» na ŭzbrajeńni ŭkraincaŭ adsutničajuć. Bolš za toje, hetyja sistemy nikoli nie traplali ŭ abjektyvy apierataraŭ i fatohrafaŭ za paŭhoda vajskovaha kanfliktu na ŭschodzie Ŭkrainy.
Apošnimi dniami pradstaŭniki NATA paviedamlali, što Rasija nakiravała na terytoryju Ukrainy dadatkovyja ŭzbrojenyja siły.
Stancyja naziemnaj artyleryjskaj vyviedki «Leapard» vykarystoŭvaje šasi braniravanaha transparciora MT-ŁB i moža «bačyć» svaim radaram naziemnyja celi na adlehłaści da 17 km, naziemnyja razryvy snaradaŭ na adlehłaści 4—10 km, nadvodnyja celi — da 30 km, nadvodnyja razryvy snaradaŭ — 14—23 km. U vojskach «Leapardy» znachodziacca ad 1973 hoda. Artyleryjski radyjołakacyjny kompleks «Ryś» staić na šasi transparciora MT-ŁBu i znachodzicca na ŭzbrajeńni z 1977 hodu. Jon moža identyfikavać ahniavyja pazicyi artyleryi praciŭnika na adlehłaści da 16 km, kantralavać stralbu svajoj artyleryi na adlehłaści da 20 km.
