U vas jość dźvie karovy — typ palityčnaha žartu, jaki apisvaje, što adbyłosia b pry roznych palityčnych sistemach, kali b Vy mieli dźvie karovy.
Vyraz pra dźviuch karovaŭ naradziŭsia u amierykanskaj škole, dzie byŭ ŭvodny kurs pa ekanomicy. Asnovy ekanomiki tam byli pakazany na prykładzie fiermiera, manipuluje svaimi karovami to tak, to hetak, vyrablajučy małočnyja pradukty i handlujučy z susiedziami.
Sacyjalizm
U vas jość dźvie karovy. Vy addajacie adnu svajmu susiedu.
Kamunizm
U vas jość dźvie karovy. Dziaržava zabiraje abiedźvie i daje vam krychu małaka.
Fašyzm
U vas jość dźvie karovy. Dziaržava zabiraje abiedźvie i daje vam krychu małaka.
Nacyzm
U vas jość dźvie karovy. Dziaržava zabiraje abiedźvie i rasstrelvaje vas.
Biurakratyzm
U vas jość dźvie karovy. Dziaržava zabiraje abiedźvie, zabivaje adnu, doić inšuju, a zatym vykidvaje małako.
Kłasičny kapitalizm
U vas jość dźvie karovy. Vy pradajecie adnu i kuplajecie byka. Vaša pahałoŭje razmnažajecca i ekanomika raście. Vy pradajacie fiermu inšym i stanoviciesia miljanieram.
Amierykanski kapitalizm
U vas jość dźvie karovy. Vy pradajecie adnu i doicie druhuju tak, jak daili b čatyroch. Paźniej vy najmajecie kansultanta, kab praanalizavać, čamu karova tak chutka zdochła.
Francuzski kapitalizm
U vas jość dźvie karovy. Vy idziacie strajkavać, arhanizoŭvajecie biesparadki i błakujecie darohi, bo vy chočacie 3 karovy.
Japonski kapitalizm
U vas jość dźvie karovy. Vy robicie redyzajn karoŭ, kab jany stali 1/10 ad pamieru zvyčajnaj karovy i vyrablajecie ŭ dvaccać razoŭ bolš małaka. Zatym vy stvarajecie vobraz razumnaj karovy i zdymajecie multfilm Cowkimon i pradajecie jaho pa ŭsim śviecie.
Niamiecki kapitalizm
U vas jość dźvie karovy. Vy pierabudoŭvajecie ich tak, što jany buduć žyć pa 100 hadoŭ, jeści raz na miesiac i sami daicca. I kaniečnie, na fiermie budzie idealny paradak.
Italjanski kapitalizm
U vas jość dźvie karovy, ale vy nie viedajecie dzie jany. Vy vyrašyli paabiedać.
Rasijski kapitalizm
U vas jość dźvie karovy. Vy ličycie ich i daviedajeciesia, što ŭ vas 5 karoŭ. Vy ličycie znoŭ i daviedajeciesia, što ŭ vas užo 42 karovy. Vy ličycie znoŭ i z žacham ŭśviedamlajecie, što ŭ vas znoŭ ŭsiaho 2 karovy. Tady vy adkarkoŭvajecie druhuju butelku harełki.
Šviedski kapitalizm
U vas 5000 karoŭ. Ale ni adna ź ich nie naležyć vam. Vam płaciać za toje, što vy ich doicie.
Kitajski kapitalizm
U vas dźvie karovy. U vas jość 300 čałaviek kab daić ich. Vy śćviardžajecie, što ŭ vas jość poŭnaja zaniataść i vysokaja pradukcyjnaść pracy. Vy aryštoŭvajecie žurnalista, jaki sprabavaŭ vas vykryć i błakujecie jahony tvitar.
Indyjski kapitalizm
U vas jość 2 karovy. Vy pakłaniajeciesia im.
Brytanski kapitalizm
U vas jość dźvie karovy. Jany varjatki.
Irakski kapitalizm
Usie dumajuć, što ŭ vas šmat karoŭ. Vy kažacie im, što ŭ vas niama karoŭ, ale jany nie vierać vam i bambiać vašu krainu. U vas da hetaha času niama karoŭ, ale pa mienšaj miery vy źjaŭlajeciesia častkaj demakratyi.
Novaziełandski kapitalizm
U vas jość dźvie karovy. Taja, što źleva, vyhladaje davoli seksualna.
Aŭstralijski kapitalizm
U vas dźvie karovy. Biźnies zdajecca dobrym. Vy začyniajecie ofis i idziecie śviatkavać u bližejšy piŭny bar.
Biełaruski kapitalizm
Vy doicie karovaŭ u kałhasie. Staršynia prypisvaje nadoi, vy jedziecie na «Dažynki» i atrymoŭvajecie klučy ad novaha doma ŭ ahraharadku.
