Nacbank Biełarusi vypuściŭ maniety z vyjavaj hietmana Kanstancina Astrožskaha, jaki stajaŭ na čale armii Vialikaha Kniastva, što ŭ 1514 hodzie razhramiła maskoŭskija vojski ŭ Bitvie pad Oršaj.
Srebnaja pamiatnaja manieta «Kanstancin Astrožski» ź sieryi «Umacavańnie i abarona dziaržavy» naminałam 20 rubloŭ vyjšła tyražom 2000 štuk. Anałahičnaja miedna-nikielevaja manieta naminałam 1 rubiel vypuščana tyražom 3000 štuk, paviedamlaje pres-słužba Nacbanka.
Jak viadoma, raniej pamiatnyja maniety ŭ honar Bitvy pad Oršaj adbiła Ukraina. Jany simvalizujuć bajavoje braterstva čatyroch narodaŭ — litoŭskaha, biełaruskaha, ukrainskaha i polskaha.
Pravasłaŭny vajavoda Kanstancin Astrožski mieŭ rodavyja ziemli na Vałyni (Paŭnočnaja Ukraina).
Bitva pad Oršaj adbyłasia 8 vieraśnia 1514 hoda. Sioleta było adznačana jaje 500-hoddzie.
Vyjavy novaj maniety Nacbank u internecie pakul nie raspaŭsiudziŭ. Pastarajemsia adšukać jaje zaŭtra.
