Bieleńki padčas mitynhu ŭ Kurapatach 2 listapada 2014 h., fota Dźmitryja Bruško, Tut.by
Namieśnik staršyni KCHP-BNF Juraś Bieleńki pryznany vinavatym u parušeńni paradku praviadzieńnia masavych mierapryjemstvaŭ — 2 listapada padčas šeścia ŭ Kurapaty i 9 listapada na žałobnym mitynhu ŭ Łošycy.
Za nieŭzhadnieńnie ź milicyjaj zachadaŭ biaśpieki padčas vuličnych akcyjaŭ jon musić vypłacić 20 bazavych vieličyniaŭ — 3 miljony rubloŭ.
Paśla akcyj na Jurasia Bieleńkaha skłali try pratakoły — za toje, što jon jak adkazny za praviadzieńnie hetych vuličnych akcyjaŭ nie ŭzhadniŭ ź milicyjaj zachady biaśpieki. Pavodle Jurasia Bieleńkaha, pratakoły byli składzienyja biespadstaŭna. Jon ličyć, što ŭ tym, jak prajšli žałobnyja akcyi na Dziady, niama i namioku na toje, kab z boku ŭładaŭ byli abvinavačvańni ŭ niejkich parušeńniach.
