U sudzie Homielskaha rajona 14 listapada vyniesieny prysud 30-hadovamu miascovamu žycharu, jaki abvinavačvajecca na padstavie č. 3 art. 167 KK (hvałtoŭnyja dziejańni sieksualnaha charaktaru, učynienyja adnosna zaviedama małaletniaha).
Piedafił prysudžany da 11 hadoŭ pazbaŭleńnia voli ŭ kałonii ŭzmocnienaha režymu. Materyjalnaj kampiensacyi maralnaha ŭronu zakonnyja pradstaŭniki paciarpiełych nie patrabavali
Prysud pakul nie nabyŭ moc.
Złačynstva było ŭčyniena 13 studzienia, na Stary novy hod. Dvoje 10-hadovych chłapčukoŭ viečaram hulali pa vulicy, kali da ich padjechaŭ na mašynie abvinavačvany.
Mužčyna ŭ kamuflavanaj kurtcy, jaki vyjšaŭ z mašyny, nazvaŭsia supracoŭnikam milicyi i zapytaŭ u dziaciej, čamu ŭ ich niama flikieraŭ.
Zatym skazaŭ, što nieabchodna prajechać u adździeł milicyi dla składańnia pratakoła i štrafu. Chłopčyki sieli ŭ mašynu da nieznajomca, jaki pavioz ich u bok lesu i tam učyniŭ hvałtoŭnyja dziejańni sieksualnaha charaktaru.
Baćki tym časam zaniepakoilisia, telefanavali dzieciam na mabilnyja telefony, ale zvanki abryvalisia. Kali dzieci viarnulisia i raskazali baćkam pra toje, što zdaryłasia, tyja adrazu ž źviarnulisia ŭ milicyju. U efir pieradadzieny prykmiety mierkavanaha złačynca. Usie narady milicyi Homiela i Homielskaj vobłaści byli apieratyŭna prainfarmavanyja pra heta.
Supracoŭniku milicyi praparščyku Alaksandru Jarochavu prykmiety mužčyny padalisia znajomymi — jany nahadali jamu mužčynu, jaki pracavaŭ niedaloka ad jaho doma. Milicyjanier pieradaŭ infarmacyju pra znachodžańnie mierkavanaha złačynca kamandziru roty, i nieŭzabavie złamyśnik byŭ zatrymany.
