Arhkamitet pa stvareńni partyi «Biełaruskaja chryścijanskaja demakratyja» apublikaŭ zajavu nakont siońniašniaj infarmacyi ab Kanhresie demakratyčnych sił.

1. 17 listapada pradstaŭniki Biełaruskaj Chryścijanskaj Demakratyi, Partyi BNF, Biełaruskaj sacyjał-demakratyčnaj partyi (Hramada) i Ruchu «Za Svabodu» padpisali prajekt pracedury, pavodle jakoj moža być praviedzieny kanhres demakratyčnych sił.

2. Na sustrečy pradstaŭniki ŭsich siami demsiłaŭ (razam z Abjadnanaj hramadzianskaj partyjaj i Biełaruskaj partyjaj levych «Spraviadlivy śviet»), jakija ŭdzielnajuć u kansultacyjach, damovilisia da 1 śniežnia 2014 hoda čakać vyznačeńnia pazicyj AHP i «Spraviadlivaha śvietu» i da hetaha rašeńnie nie realizoŭvać i nie publikavać.

3. Pavodle ahulnaj damoŭlenaści, rašeńnie ab realizacyi pracedury prymajecca minimum šaściu strukturami ź siami (kansensus minus 1). Na siońniašni dzień tolki ŭ takim farmacie biełaruskija chryścijanskija demakraty hatovy ŭdzielničać u Kanhresie. Udakładniajem: mierkavany čas Kanhresu ŭ padpisanym prajekcie pracedury – sakavik, a nie travień 2015 hoda.

4. Ličym insinuacyi na temu praviadzieńnia Kanhresu da pryniaćcia kančatkovaha rašeńnia zaŭčasnymi.

Клас
Панылы сорам
Ха-ха
Ого
Сумна
Абуральна