Premjer-ministr Michaił Miaśnikovič prymie ŭdzieł u čarhovym pasiadžeńni Savieta kiraŭnikoŭ uradaŭ SND, jakoje adbudziecca ŭ Ašchabadzie 21 listapada pad staršynstvam Biełarusi.
U prajekcie paradku dnia pasiadžeńnia 30 pytańniaŭ. Płanujecca padpisać piać mižnarodnych damovaŭ, abmierkavać pytańni ekanamičnaha supracoŭnictva dziaržaŭ — udzielnic SND, u tym liku razhledzieć chod realizacyi pałažeńniaŭ dahavora ab zonie svabodnaha handlu ad 18 kastryčnika 2011 hoda.
Taksama zapłanavany šerah sustreč biełaruskaha premjer-ministra z kiraŭnikami aficyjnych delehacyj pa aktualnych pytańniach dvuchbakovych adnosin, prainfarmavali ŭ pres-słužbie.
Napiaredadni pasiadžeńnia Savieta kiraŭnikoŭ uradaŭ Michaił Miaśnikovič maje namier aznajomicca z chodam budaŭnictva Harłykskaha horna-abahačalnaha kambinata i šmatfunkcyjanalnaha servisnaha centra pa absłuhoŭvanniju biełaruskaj techniki ŭ Turkmienistanie. Płanujecca vyrašyć pytańni pa arhanizacyi i praviadzieńni ŭ śniežni 2014 nacyjanalnaj vystavy-kirmašu biełaruskich tavaraŭ u Ašchabadzie.
