Litoŭskaja Premija svabody 2014 prysudžana polskamu dysidentu, hałoŭnamu redaktaru Gazeta Wyborcza Adamu Michniku.
Za adpaviednuju pastanovu siejma Litvy prahałasavali 80 deputataŭ, jakija ŭstrymalisia i jakija hałasavali «suprać» nie było.
«U 1991 hodzie Michnik ź inšymi polskimi palitykami prademanstravaŭ biezumoŭnuju padtrymku svabody Litvy, padtrymaŭ baraćbu hramadzian Litvy z ahresijaj Savieckaha Sajuza. Dziejnaść A. Michnika zaŭsiody była dobrazyčlivaja Litvie. Jon zaklikaŭ polski ŭrad jak maha chutčej pryznać Litvu i dapamahčy atrymać dypłamatyčnaje pryznańnie Litvy na mižnarodnaj arenie», — zajaviła vice-staršynia siejma, kansiervatar Irena Dehucienie, pradstaŭlajučy prapanovu Kamisii pa prysudžeńni premii.
Premija svabody była zasnavanaja ŭ 2011 hodzie. Pieršaj premii byŭ ŭdastojeny rasijski pravaabaronca Siarhiej Kavaloŭ.