ria.ru
Biełaruś raźličvaje na źnižeńnie cany rasijskaha hazu ŭ nastupnym hodzie, zajaviŭ siońnia žurnalistam u Minsku pieršy vice-premjer Uładzimir Siamaška.
Jon paviedamiŭ, što kantrakt na pastaŭku rasijskaha hazu na 2015—2017 hady Biełaruś płanuje padpisać z «Hazpromam» da 30 listapada: «My ciapier znachodzimsia na stadyi padpisańnia novaha kantrakta z «Hazpromam» na trochhadovy pieryjad. Dziejny kantrakt, jak viadoma, zakančvajecca ŭ kancy hetaha hoda. Ciapier treba damovicca pra ŭmovy pastavak hazu na 2015—2017 hady, amał usie niuansy my ŭzhadnili».
Pavodle słoŭ Siamaški, abmiežavańniaŭ pa abjomie zakuplenaha hazu tam nie praduhledžana. «Kolki nam treba budzie hazu — stolki my zmožam atrymać», — skazaŭ pieršy vice-premjer.
Jon źviarnuŭ uvahu na toje, što košt na impartavany z Rasii haz pavinien krychu źnizicca ŭ dołaravym vyražeńni. «Što da cany na haz, to my miarkujem, što jana budzie ŭ nastupnym hodzie krychu nižejšaja, čym u hetym», — skazaŭ Siamaška, udakładniŭšy, što ciapier za tysiaču kubamietraŭ hazu Biełaruś płacić 168 dołaraŭ.
Pieršy vice-premjer Biełarusi daŭ zrazumieć, što čakanaje źnižeńnie cany na haz budzie źviazana sa źmianieńniem kursu rasijskaha rubla da dołara. «Formuła cany na haz dla Biełarusi pryviazana da cany na haz dla Jamała-Nianieckaj aŭtanomnaj akruhi. Košt hety pieraličvajecca z rubloŭ u dołary. Z-za taho, što kursy valut źmianilisia, my ličym, što cana na haz dla Biełarusi źnizicca», — adznačyŭ Uładzimir Siamaška.
