Takija źmianieńni płanujecca ŭnieści ŭ instrukcyju ab paradku praviadzieńnia apieracyj z bankaŭskimi płaciežnymi kartkami.
Siarhiej Dubkoŭ udakładniŭ, što pasłuha SMS-apaviaščeńnia budzie płatnaj. Klijent pry žadańni zmoža ad jaje admovicca. Dla hetaha ŭ adździaleńni banka treba budzie aformić adpaviednuju zajavu.
Pazicyja Nacbanka takaja, kab SMS-apaviaščeńnie padklučałasia ŭsim trymalnikam płaciežnych kartak, a nie tolki pa novazaklučanych pahadnieńniach. «Kali klijent prymaje rašeńnie, što jamu heta pasłuha nie patrebna, heta jaho suvierennaje prava. Ale suvierennaje prava banka ŭ ramkach nulavoj adkaznaści — prapisać u łakalnych dakumientach, što heta źjaŭlajecca strymalnym faktaram pa vypłacie adpaviednych srodkaŭ», — padkreśliŭ Siarhiej Dubkoŭ.
Adkazvajučy na pytańnie ab tym, ci kampiensujuć klijentu-adkaźniku hrošy, jakija źnikli z rachunku, Siarhiej Dubkoŭ adznačyŭ, što pytańnie ab kampiensacyi budzie vyrašacca ŭ indyvidualnym paradku. Ale banki zahadzia abviaściać takich klijentaŭ ab praviłach hulni.
Akramia taho, dakumient admianiaje nieabchodnaść vydavać klijentu papiarovy kart-ček. «Kali klijentu hety ček nieabchodny, to arhanizacyja handlu i servisu pavinna jaho pradastavić, kali nie, to jaho možna nie vydavać», — rastłumačyŭ Siarhiej Dubkoŭ. Kart-ček dubliruje kasavy ček i ŭ bolšaści vypadkaŭ tut ža adpraŭlajecca va ŭrnu. Takim čynam Nacbank płanuje skaracić vydatki na arhanizacyju bieznajaŭnych płaciažoŭ.
