Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, čynoŭniki pa papiaredniaj zmovie z kastryčnika 2013 hoda pa listapad 2014 hoda sistematyčna atrymlivali niezakonnyja hrašovyja ŭznaharody za spryjalnaje vyrašeńnie pytańnia ab niepryciahnieńni dyrektara adnaho z pryvatnych pradpryjemstvaŭ da administracyjnaj adkaznaści za parušeńnie zakanadaŭstva ab handli. Usiaho za hety čas padazronyja atrymali 2.400 dołaraŭ ZŠA.
«U vyniku praviedzienaha ŭ rabočym kabiniecie adnaho z padazravanych pieratrusu vyjaŭleny i kanfiskavany hrašovyja srodki, dakumienty, zapisnyja knižki. Pa hetych abjektach pryznačanyja hienatypaskapičnaja i kryminalistyčnaja ekśpiertyzy», — raskazała Salaniuk.
Dziejańni padazravanych kvalifikavanyja pavodle častki 2 artykuła 430 (atrymańnie chabaru pa papiaredniaj zmovie) Kryminalnaha kodeksa.
