Kiraŭnik Ministerstva zamiežnych spraŭ FRH Frank-Valter Štajnmajer zajaviŭ, što pytańnie pa raźviadzieńni kanfliktujučych bakoŭ na ŭschodzie Ukrainy blizkaje da vyrašeńnia.
Pra heta jon zajaviŭ na pres-kanfierencyi pa vynikach pieramovaŭ z kiraŭnikom rasijskaha MZS Siarhiejem Łaŭrovym, piša rasijski «Interfaks».
«Pieršastupiennaje značeńnie maje raźjadnańnie bakoŭ, i my možam skazać, što my dastatkova blizka da vyrašeńnia hetaha pytańnia», — zajaviŭ Štajnmajer.
«Ciapier my pavinny sačyć za tym, kab adkaznyja asoby z vojskaŭ padpisali hety dakumient», — adznačyŭ jon.
Na dumku kiraŭnika MZS FRH, paśla padpisańnia takoha dakumienta moža pačacca «advod ciažkaha ŭzbrajeńnia z zony kanfliktu».
Havoračy ab vynikach pieramovaŭ z Łaŭrovym, Štajnmajer adznačyŭ, što «naša pakaleńnie nie pavinna dapuścić novaha raskołu Jeŭropy, kab nikoli bolš my z partnioraŭ nie pieratvarylisia ŭ praciŭnikaŭ».
«My havaryli pra Ukrainu, ale na samoj spravie havorka idzie pra bolšaje. Tamu ja tut. My pavinny razam razhledzieć pytańnie, ci nie znojducca ŭ nas mahčymaści paskoryć Minskija damoŭlenaści, pieraadoleć niedavier, što vyras pamiž nami ŭ apošnija miesiacy», — padkreśliŭ jon.
