U aŭtorak, 18 listapada, Oksfardski słoŭnik anhlijskaj movy abraŭ słova 2014 hoda.

Telekanał Dožd́ vyrašyŭ daviedacca ŭ svaich hledačoŭ, jakoje słova ŭ hetym hodzie było samym važnym dla Rasii.

Viadučaja infarmacyjna-analityčnaj pieradačy «Zdieś i siejčas» Maryja Makiejeva zadała pytańnie ŭ svaim Twitter.

Pryjšło šmat adkazaŭ, u bolšaści źviazanych z palitykaj, niekatoryja z užyvańniem matnych słovaŭ i złučeńniaŭ, jakija niemahčyma apblikavać.

Pieramožcam stała słova, jakoje hledačy prapanoŭvali čaściej za inšych — «Krymnaš». Što važna, samo słova ŭtvorana tolki sioleta. Kali słovazłučeńnie było va ŭžytku i raniej, to tolki ŭ 2014m jaho stali pisać razam i ŭžyvać adnym słovam.

Składalniki Oksfardskaha słoŭnika anhlijskaj movy nazvali słovam hoda — «vape». Jano adbyłosia ad dziejasłova «vapour», jaki dasłoŭna aznačaje «pieratvarać u par». «Vape» ž aznačaje, jak pakazana ŭ Oksfardskim słoŭniku, «udychać i vydychać par, što sychodzić ad elektronnaj cyharety abo takoj ža pryłady».

U 2013 hodzie słovam hoda, pa viersii Oksfardskaha słoŭnika, staŭ nieałahizm «selfie», jaki aznačaje «fatahrafija siabie, jakuju karystalnik robić samastojna pry dapamozie smartfona i vykładaje jaje ŭ sacyjalnyja sietki».

Płakat biełaruskaha dyzajniera Uładzimira Ceślera, zrobleny paśla «refierendumu» ŭ Krymie.

Płakat biełaruskaha dyzajniera Uładzimira Ceślera, zrobleny paśla «refierendumu» ŭ Krymie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?