Pjanaha mužčynu nie puścili ŭ minskaje mietro, paśla čaho jon vyrašyŭ viarnuć žeton u kasu stancyi «Maładziožnaja» i raźbiŭ u joj škło, paviedamili BiełTA ŭ HUUS Minharvykankama.
Hety 30-hadovy hramadzianin byŭ zatrymany. Pry hetym u kampanii z debašyram apynuŭsia mužčyna, jaki z 2007 hoda znachodzicca ŭ miždziaržaŭnym vyšuku pa inicyjatyvie orhanaŭ unutranych spraŭ Čelabinskaj vobłaści Rasii jak bieź viestak źnikły.
Akramia taho, supracoŭniki UUS pa achovie minskaha mietrapalitena na stancyi «Płošča Lenina» zatrymali 22-hadovaha minčuka, jaki byŭ u stanie mocnaha narkatyčnaha apjanieńnia.
Sam zatrymany zapeŭnivaŭ, što jon užyŭ śpirtnoje. «U realnaści ž małady čałaviek byŭ pad mocnym dziejańniem kurylnaha narkotyku, što vyjaŭlałasia ŭ nieadekvatnych pavodzinach. Zatrymany doŭhi čas nie moh nazvać ni datu, ni miesca, dzie jon znachodzicca», — raspaviali ŭ milicyi.
Jak vyśvietliłasia paźniej, chłopiec pracuje hruzčykam na adnoj z staličnych kaśmietyčnych fabryk, kudy i chacieŭ dabracca na mietro. Cpajs, pa jaho słovach, pasprabavaŭ upieršyniu, kupiŭšy dozu praź internet. Častku kurylnaj sumiesi jon užyŭ pierad pracaj, častku pakinuŭ na potym. Dziejańniam zatrymanaha dajecca pravavaja acenka.
