Navukoŭcy ź Ciurychskaha ŭniviersiteta (Šviejcaryja) pryjšli da vysnovy: stres u dziacinstvie treniruje navyki adaptacyi ŭ darosłym žyćci i karysny dla naščadkaŭ.
Prynamsi, siarod myšej. Vyniki daśledvańnia apublikavanyja ŭ časopisie Nature Communications.
Navukoŭcy na dva tydni zabrali myšaniat ad baćkoŭ i stvaryli dla ich stresavyja ŭmovy. Bolšaść vopytaŭ na žyviołach pakazvaje, što mocny stres na pieršych tydniach žyćcia niehatyŭna ŭpłyvaje na imunitet i kahnityŭnyja zdolnaści. Ale, jak dakazali šviejcarcy, jość i stanoŭčyja momanty ŭ ciažkim dziacinstvie (naprykład, metanakiravanaść i lepšaja adaptacyja da pieramienlivych umoŭ), jakija pieradajucca i naščadkam padvopytnaha. Navat kali ŭ ich spakojnaje dziacinstva.
U myšej adbyvalisia epihienietyčnyja źmieny ŭ hienie, što adkazvaje za minierałkartykoidny receptar. U hipatałamus pastupała mieniej minierałkartykoidaŭ — harmonaŭ, jakija ŭ tym liku vykonvajuć značnuju rolu ŭ reakcyi na stres.
Daśledvańnie daje jašče adzin dokaz taho, što stres maje nie tolki karotkaterminovy psichałahičny, ale i značna bolš hłyboki, karenny ŭpłyŭ.
