Zahad ab zvalnieńni viadučaha radyjostancyi «Echo Moskvy» Alaksandra Pluščava admienieny, havorycca ŭ paviedamleńni pres-słužby chołdynhu «Hazprom-miedyja», jakomu naležyć stancyja.
Jak adznačajecca na sajcie «Echa», naŭzamien viadučy budzie adchileny ad efiru da siaredziny studzienia 2015 hoda.
Takoje rašeńnie było pryniata pa vynikach sustrečy staršyni savieta dyrektaraŭ «Hazprom-Miedyja» Michaiła Lesina i hałoŭnaha redaktara «Echo Moskvy» Alaksieja Vieniadziktava.
Jak paviedamiŭ Vieniedziktaŭ, schod savieta dyrektaraŭ radyjostancyi, jaki pavinien byŭ adbycca ŭ hetuju piatnicu, admienieny.
Skandał vakoł Pluščava razhareŭsia ŭ pačatku listapada z-za tvita žurnalista ab hibieli syna kiraŭnika administracyi prezidenta Rasii Siarhieja Ivanova.
