president.gov.by
Sankcyi źjaŭlajucca anachranizmam, zajaviŭ žurnalistam Alaksandr Łukašenka na ŭračystym adkryćci zavoda šviejcarskaj kampanii «Štadler» 20 listapada ŭ Fanipali (Dziaržynski rajon).
Na jaho dumku, inicyjataram sankcyj «źjaŭlajecca nie Jeŭropa». «ES šmat ad hetaha ciarpić, ale jon zanadta zaležny ad inšaha centra sił», — miarkuje Łukašenka.
Jon taksama ličyć, što sankcyi nie ŭpłyvajuć na adnosiny Jeŭrasajuza, Jeŭrazijskaha ekanamičnaha sajuza (JEAES) i Rasii. «My na pačatku šlachu pa stvareńni Jeŭrazijskaha ekanamičnaha sajuza. U ekanomicy my pačali supracoŭnictva i budziem iści ŭ hetym ža kirunku dalej», — padkreśliŭ kiraŭnik dziaržavy.
Pavodle słoŭ Łukašenki, mnohija jeŭrapiejskija biźniesmieny, u tym liku i ŭładalnik kampanii «Štadler» Pieter Špuler, nie padtrymlivajuć sankcyi. «Jon (Špuler) nie padtrymlivaje hetyja sankcyi, tamu što jany iduć va ŭron i jeŭrapiejcam, i rasijanam. Kali my ŭ ekanomicy zrabili pieršyja kroki, to i ŭ palitycy pačali pra heta havaryć, u tym liku ŭ ES», — zaznačyŭ kiraŭnik dziaržavy.
Jon nahadaŭ pra niadaŭniuju zajavu ministraŭ zamiežnych spraŭ Hiermanii, Rasii i Biełarusi. «Jany kažuć, što supracoŭnictva — narmalny farmat, i kažuć heta z padačy Hiermanii. Značyć, i ŭ palitycy jość zruchi», — miarkuje Łukašenka.
Što da situacyi va Ukrainie, to, jak miarkuje kiraŭnik biełaruskaj dziaržavy, baki pryjduć da miru, «jak by ni było ciažka».
Na dumku Łukašenki, «sankcyjny praces rana ci pozna zakončycca». «Jakija b ni byli sankcyi, ludzi pa toj bok i tut, na Uschodzie, značna razumniejšyja za tych, chto prymaŭ hetyja sankcyi. I jany znojduć šlachi ich abchodu i šlachi supracoŭnictva va ŭsich śfierach», — upeŭnieny jon.
Łukašenka asabliva adznačyŭ rolu biźniesu ŭ hetym pracesie. Biźnies, pavodle jaho słoŭ, «zadušyć niemahčyma».
«Siońnia składana izalavać navat adnaho čałavieka. A takija hihanckija rehijony, jak Uschod, JEAES, ES prosta nierazumna izalavać, tamu što zanadta ciesnyja suviazi, u tym liku čałaviečyja», — dadaŭ kiraŭnik dziaržavy.
Pavodle jaho słoŭ, nadydzie čas, kali ŭsie zabuduć pra sankcyi. Ale raniej «ich pieraadolejem z dapamohaj takich ludziej, jak Špuler», miarkuje Łukašenka. «Nichto nie prymusić ich kinuć u brud ułasnyja srodki, jakija jany ŭkłali. U palitykaŭ heta nie projdzie. Prosta nie budzie palityka, biźniesmieny ich vykinuć na śmietnik», — zaznačyŭ jon.
Łukašenka ŭpeŭnieny ŭ tym, što nie varta dramatyzavać situacyju z sankcyjami.
«Usio heta ŭ Biełarusi dobra viedajuć. Pieražyvie i Rasija, i ŭsie my razam», — reziumavaŭ jon.
