19 listapada staršynia Partyi BNF Alaksiej Janukievič nakiravaŭ u Ministerstva achovy zdaroŭja prapanovy Partyi BNF pa ŭdaskanaleńni pracy z receptami na nabyćcio lekaŭ, paviedamlaje pres-słužba partyi.
Hety zvarot byŭ vyklikany tym, što ciaham apošniaha miesiaca dziejničaje pałažeńnie, pavodle jakoha recepty na nabyćcio lekaŭ majuć adnarazovy charaktar i pavinnyja pakidacca ŭ aptecy.
19 kastryčnika pačaŭ dziejničać novy paradak vypiski receptaŭ dla nabyćcia lekaŭ. Novy paradak praduhledžvaje, što pry nabyćci lekavych srodkaŭ za poŭny košt vypisanyja recepty pavinnyja zastavacca ŭ aptecy. Hetaje novaŭviadzieńnie vyklikała šmatlikija narakańni z boku hramadzianaŭ. Ciaham apošniaha miesiaca, kali dziejničaje novy paradak, u partyju pastupili šmatlikija skarhi hramadzianaŭ na niazručnaści i pieraškody ŭ nabyćci lekaŭ.
