Zakonaprajekt, u jakim źmieščany prapanovy Savieta Ministraŭ pa baraćbie z darmajedstvam, pastupiŭ u Ministerstva ŭnutranych spraŭ ad raspracoŭščyka dla analityčnaj acenki.
Pra hheta paviedamiŭ ministr unutranych spraŭ Ihar Šunievič.
«MUS inicyiravała abmierkavańnie temy darmajedstva i aktualizavała nieabchodnaść uniasieńnia źmianieńniaŭ u dziejučaje zakanadaŭstva ŭ hetym pytańni. U nas pieršapačatkova byli peŭnyja formy i zakanadaŭčyja kanstrukcyi, jakija my i prapanavali. Taksama Savietu Ministraŭ było daručana pradstavić svaje prapanovy kiraŭniku dziaržavy. I taki zakonaprajekt ja ŭčora atrymaŭ ad raspracoŭščyka. Ministerstva ŭnutranych spraŭ budzie vystupać u jakaści analityka, jaki daść svajo reziume nakont hetaha dakumienta. Chutčej za ŭsio, heta budzie ŭkaz prezidenta», — rastłumačyŭ Ihar Šunievič.
Ministr dadaŭ, što ŭ dakumiencie praduhledžany miechanizm stymulavańnia hramadzian, jakija nie ŭdzielničajuć jak naležyć u finansavańni krainy.
Heta značyć vyvieści ź cieniu tych, chto zarablaje hrošy, karystajecca lhotami i sacyjalnymi harantyjami, što pradastaŭlaje dziaržava, ale ŭ toj ža čas nie niasie nijakaj nahruzki z punktu hledžańnia papaŭnieńnia biudžetu. Dakumient skancentravany na pravavym aśpiekcie vyrašeńnia prablemy.
