Z adkryćciom u Mahilovie i Navapołacku novych lačebna-pracoŭnych prafiłaktoryjaŭ prablema «pieranasielenaści» ŭ hetych ustanovach praktyčna vyrašanaja.
Pra heta zajaviŭ namieśnik načalnika ŭpraŭleńnia prafiłaktyki hałoŭnaha ŭpraŭleńnia achovy pravaparadku i prafiłaktyki MUS Biełarusi Siarhiej Krasucki.
Pavodle jaho infarmacyi,
sioleta ŭ ŁPP było nakiravana bolš za 5,7 tysiačy hramadzian, jakija pakutujuć ad chraničnaha ałkahalizmu, u tym liku 1,2 tysiačy žančyn.
Heta adna ź mier pravavoha ŭździejańnia ŭ dačynieńni da asob, jakija dapuskajuć hvałt u siamji. Akramia taho, raspracavany ałharytm pracy z asobami, jakija viarnulisia ź lačebna-pracoŭnych prafiłaktoryjaŭ, a taksama infarmavańnia členaŭ siamji pra mahčymaści abarony ad hvałtu.
Krasucki paviedamiŭ, što ŭ zakanadaŭstva ŭniesienyja źmieny, jakija praduhledžvajuć praceduru daterminovaha vyzvaleńnia z ŁPP. U čałavieka, jaki apynuŭsia tam, źjaŭlajecca stymuł dobrasumlenna pracavać, prachodzić kurs lačeńnia i nie parušać praviły režymu.
