Śpiecpadraździaleńni palicyi vycisnuli z hałoŭnaj płoščy mieksikanskaj stalicy tysiačy demanstrantaŭ, jakija patrabavali adšukać źnikłych u vieraśni studentaŭ i pakarać vinavatych u ich vykradańni.
Ułady ŭžyli siłu paśla taho, jak niekalki sotniaŭ pratestoŭcaŭ u maskach zładzili sutyčki z palicejskimi la ścien Nacyjanalnaha pałaca. Paviedamleńniaŭ ab paciarpiełych niama.
Raniej palicyja razahnała hrupu demanstrantaŭ, jakija sprabavali zabłakavać trasu ŭ rajonie mižnarodnaha aeraporta Miechika.
Akcyi z patrabavańniem znajści źnikłych stanoviacca ŭsio bolš šmatlikimi.
43 studenty źnikli bieź viestak 26 vieraśnia ŭ horadzie Ihuała, za 200 km na poŭdzień ad stalicy krainy Miechika, paśla demanstracyi, jakaja skončyłasia sutyknieńniem pratestoŭcaŭ z palicyjaj. Śviedki kazali, što ich pavieźli na palicejskich mašynach.
Prakuratura Mieksika paviedamlała, što ŭ arhanizacyi vykradańnia padazrajecca mer horada Ihuały.
