Amal piać miljonaŭ čałaviek, jakija žyvuć u ZŠA nielehalna, zmohuć paźbiehnuć departacyi dziakujučy radykalnym źmienam u amierykanskaj imihracyjnaj sistemie.
Prezident ZŠA Barak Abama, jaki vyrašyŭ pravodzić hetuju reformu biez uchvaleńnia kanhresa, raspavioŭ pra svaje płany ŭ telezvarocie da nacyi.
Jak zajaviŭ u telezvarocie Abama, ciaham 200 hadoŭ Amieryka mieła vielizarnuju pieravahu pierad inšymi dziaržavami ŭ siłu svajoj adkrytaści da ludziej, jakija pierajazdžali ŭ krainu.
Jak zajaviŭ prezident ZŠA, heta dazvoliła zachoŭvać u krainie duch pradprymalnictva, rabiła ZŠA maładoj i enierhičnaj nacyjaj.
«Ale siońnia naša sistema imihracyi nie pracuje, i heta ŭsie viedajuć», — zajaviŭ Abama.
«Miljony imihrantaŭ — u kožnym štacie, roznych ras i nacyjanalnaściaŭ — žyvuć tut nielehalna, — skazaŭ Abama. — I davajcie budziem sumlennyja — vyjaŭlać, łavić i departavać miljony ludziej nierealna. Tyja, chto kažuć vam inšaje, kryviać dušoj».
Jak skazaŭ Abama, mnohija imihranty, jakija žyvuć u krainie nielehalna, karystajucca jaje pieravahami, ale nie dzielać ź inšymi adkaznaść, źviazanuju z žyćciom u Złučanych Štatach. Tyja ž, chto choča padzialić hetuju adkaznaść, pa słovach prezidenta, vymušanyja zastavacca ŭ cieni.
U ZŠA pražyvaje bolš za 12 miljonaŭ niezakonnych mihrantaŭ, pieravažna z krain Łacinskaj Amieryki. Štohod ZŠA departujuć kala 400 tysiač čałaviek.
Abama maje namier zajaviŭ, što hety krok nie źjaŭlajecca amnistyjaj dla nielehałaŭ.
«My čakajem, što ludzi, jakija žyvuć u našaj krainie, hulajuć pa praviłach. My čakajem, što tyja, što pierastupajuć hetuju rysu, nie buduć niezasłužana ŭznaharodžanyja.
Tamu my prapanujem: kali vy pražyli ŭ Amierycy bolš za piać hadoŭ, kali ŭ vas jość dzieci — amierykanskija hramadzianie i lehalnyja rezidenty,
kali vy zarehistravalisia, prajšli pravierku na kryminalnaje minułaje, kali vy hatovyja płacić padatki - vy zmožacie źviarnucca pa dazvoł na časovaje pražyvańnie ŭ krainie biez strachu departacyi. vy možacie vyjści ź cieniu i być čystyja pierad zakonam», — skazaŭ Barak Abama.
«Ja zrablu tak, kab kvalifikavanym śpiecyjalistam, vypusknikam i pradprymalnikam było lahčej zastacca i ŭnosić ŭkład u našu ekanomiku, jak prapanoŭvali mnohija lidary biźniesu», — paabiacaŭ prezident.
«Kali vy złačyniec, vy budziecie departavanyja. Kali vy płanujecie nielehalna ŭjechać u ZŠA, šancy na toje, što vas złoviać, zaraz pavysilisia», — zajaviŭ prezident.
Prezident ZŠA paabiacaŭ taksama ŭzmacnić baraćbu ź nielehalnaj imihracyjaj na miažy.
Usiaho ŭ vyniku majučych adbycca reformaŭ kala piaci miljonaŭ nielehalnych mihrantaŭ, jakija žyvuć u ZŠA bieź jakich-niebudź dakumientaŭ, zmohuć na zakonnych padstavach zastacca ŭ krainie, zajaviŭ pradstaŭnik Biełaha doma.
