president.gov.by

president.gov.by

U Biełarusi aptymizujuć sistemu adukacyi, prybraŭšy ŭsio lišniaje i pakinuŭšy zekanomlenyja srodki ŭ samoj sistemie adukacyi.

Pra heta zajaviŭ Alaksandr Łukašenka padčas sieminara sa studentami, vykładčykami i vypusknikami BDPU.

Łukašenka adznačyŭ, što prablemy sistemy adukacyi buduć razhledžanyja ŭ bližejšy čas na jaho ŭzroŭni.

«Ja ŭžo zarakaŭsia, što my ni ŭ jakim vypadku bolš nie budziem refarmavać adukacyju. Bo darefarmavalisia ŭ svoj čas da taho, što daviałosia ŭsio łamać, pierakulvać i viartać ŭsio lepšaje, prystasoŭvajučysia da dobraha sučasnaha, — skazaŭ kiraŭnik dziaržavy.

— Mierkavaŭ, usio, adukacyju bolš čapać nie budziem. Ale ničoha nie atrymałasia, bo žyćcio nas prymušała iści napierad, pačynajučy ad centralizavanaha testavańnia i zakančvajučy inšymi pracesami. I ja ŭbačyŭ, što my prosta adstajem u sučasnych umovach ad patrabavańniaŭ žyćcia».

Łukašenka miarkuje, što sistema adukacyi mocna zabiurakratyzavana. Z nastaŭnikaŭ patrabujuć spravazdačaŭ, akramia płanaŭ ŭroka, u try razy bolš, čym asnoŭnaja nahruzka, usiakaj pisaniny.

«Mnie dakładvajuć, što hetaje pytańnie vyrašana. Pahladzim, ci vyrašana. Ale ja adčuŭ, što dzie-niebudź niešta ŭpuskajem, nie idziem u nahu z časam», — adznačyŭ jon.

U hetaj suviazi była stvorana hrupa, jakaja zajmałasia vyvučeńniem prablemnych pytańniaŭ u sistemie adukacyi. Pavodle słoŭ Łukašenki, hrupa padrychtavała dakład, Prapanujučy usio ŭ lepšym vyhladzie. Łukašenka adznačyŭ, što jaho heta naściarožyła, tamu była stvorana druhaja hrupa, kab jašče raz viarnucca da vyvučeńnia prablem u škole i ŭ VNU.

Kiraŭnik dziaržavy źviarnuŭ uvahu na toje, što siońnia śviet znachodzicca ŭ zaciažnoj ekanamičnaj recesii. Heta ŭpłyvaje i na Biełaruś, bo kraina z ekspartna aryjentavanaj ekanomikaj.

«Dadatkovych srodkaŭ my nie znojdziem, treba aptymizavać, prybirać ŭsio lišniaje, ekanomić hrošy», — skazaŭ Alaksandr Łukašenka.

Pavodle słoŭ Łukašenki, tolki akunuŭšysia ŭ realii svajoj prafiesii, budučy śpiecyjalist zrazumieje, ci na pravilnym jon šlachu. «Trapiŭ nie tudy — sychodź ź pieršaha kursa. Pierachodź na inšuju śpiecyjalnaść i vučysia», — padkreśliŭ kiraŭnik dziaržavy.

Łukašenka taksama zapatrabavaŭ asučaśnić prahramy navučańnia ŭ škołach i VNU.

Kiraŭnik dziaržavy vykazaŭ niezadavolenaść tym, jak vykonvajecca dadzienaje im daručeńnie źmianić prahramy VNU, nie kažučy ŭžo pra škoły.

«Što my prymušajem ŭ siłu nieabchodnaści pa prahramie vyvučać u škole? Pałova — chłam. Niepatrebny absalutna dla žyćcia dziaciej.

Tamu ja zapatrabavaŭ, kab prahramy byli źmienienyja. Niešta źmianili, ale ŭsio roŭna heta nie toje», — skazaŭ jon.

«Usie my razumiejem, što vučyć dziaciej pavinny lepšyja. Tyja, chto słužyć dobrym prykładam, chto karystajecca zasłužanym aŭtarytetam u baćkoŭ i vučniaŭ. I, što bolš važna, vychoŭvać maładoje pakaleńnie moža tolki čałaviek, jaki maje peŭny duchoŭny bahaž i vyraznyja maralnyja ŭstanoŭki», — skazaŭ kiraŭnik dziaržavy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?