Fota vitebskspring.org.

Fota vitebskspring.org.

Jak paviedamlaje pres-słužba arhkamiteta pa stvareńni partyi «Biełaruskaja chryścijanskaja demakratyja», Hajdukoŭ byŭ zatrymany 21 listapada prykładna ŭ 15.05 paśla razdačy ŭlotak ź infarmacyjaj pra biełaruskich palitźniavolenych. Amal uvieś čas za Hajdukovym sačyli ludzi ŭ cyvilnym, zdymajučy padziei na videa. Aktyvist byŭ zatrymany pa darozie damoŭ. 

Andreja Hajdukova adpuścili ź milicyi paśla składańnia administracyjnaha pratakoła

Nahadajem, Andrej Hajdukoŭ pravioŭ u niavoli paŭtara hoda — ź listapada 2012 hoda pa maj 2014-ha. Pavodle infarmacyi śledstva, jon byŭ zatrymany «ŭ momant zakładki tajnika sa źviestkami, jakija cikaviać zamiežnyja śpiecsłužby», i pieršapačatkova abvinavačvaŭsia na padstavie artykuła 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści), paźniej abvinavačańnie było pierakvalifikavana. 1 lipienia 2013 hoda Viciebski abłasny sud pryznaŭ Andreja Hajdukova vinavatym pavodle častki 1 artykuła 14 i artykuła 356-dadat. Kryminalnaha kodeksa (zamach na naładžvańnie supracoŭnictva sa śpiecyjalnaj słužbaj, orhanam biaśpieki ci raźviedvalnym orhanam zamiežnaj dziaržavy) i pryhavaryŭ da paŭtara hoda pazbaŭleńnia voli. Sudovy praces prachodziŭ u zakrytym režymie. Biełaruskija pravaabaroncy vystupili z sumiesnaj zajavaj, u jakoj pryznali Andreja Hajdukova palitźniavolenym.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?