Parłamienckaja kaalicyja Ukrainy maje namier admovicca ad pazabłokavaj statusu krainy i adnavić intehracyju ŭ NATA, havorycca ŭ tekście kaalicyjnaha pahadnieńnia, jakoje na svaim sajcie apublikavała partyja «Samapomač».

«[Płanujecca] raspracoŭka i ŭniasieńnie źmianieńniaŭ u zakony Ukrainy ab asnovach unutranaj i źniešniaj palityki i ab asnovach nacyjanalnaj biaśpieki, siarod inšaha praduhledzieŭšy admienu pazabłokavy status Ukrainy, adnaŭleńnie palityčnaha kursu na intehracyju ŭ prastoru jeŭraatłantyčnaj biaśpieki i zdabyćcio siabroŭstva ŭ arhanizacyi Paŭnočnaatłantyčnaf damovy», — havorycca ŭ tekście pahadnieńnia.

Pradstaŭniki piaci partyj - «Błoka Piatra Parašenki», «Narodnaha frontu», «Samapomačy», Radykalnaj partyi Aleha Laško i «Baćkaŭščyna» — padpisali pahadnieńnie ŭ piatnicu ŭ ścienach Viarchoŭnaj Rady.

U kaalicyju ŭvojdzie kanstytucyjnaja bolšaść členaŭ parłamienta — bolš za 300 deputataŭ.

Partyi sprabavali paśpieć publična padpisać prajekt pahadnieńnia da hadaviny pačatku pratestaŭ na Majdanie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?