Rasijski «Pieršy češska-rasijski bank» vydaŭ ultrapravaj francuzskaj partyi Nacyjanalny front kredyt u sumie 9 miljonaŭ jeŭra. Hetuju infarmacyju paćvierdziŭ haziecie Le Figaro skarbnik partyi Valerano de Sen-Žust.
Pasiarednikam ŭ pahadnieńni vystupiŭ deputat Jeŭraparłamienta ad Nacyjanalnaha frontu Žan-Luk Šafchaŭser.
Pa słovach Sen-Žusta, z sumy kredytu Nacyjanalnamu frontu ŭžo vypłačana 2 miljony jeŭra.
Taksama skarbnik NF adznačyŭ, što partyja daŭno šukaje kredyty dla finansavańnia vybarčych kampanij.
Rasija aktyŭna padtrymlivaje tyja jeŭrapiejskija partyi, jakija vystupajuć suprać jeŭraintehracyi i ZŠA. Heta pieravažna palityčnyja hrupoŭki antylibieralnaha charaktaru jak pravaha, tak i levaha tołku. U ich lik uvachodziać navat partyi, što bałansujuć na miažy nieanacyzmu, jak «Jobik» u Vuhorščynie i Nacyjanalny front u Francyi.
Uładalnikam «Pieršaha češska-rasijskaha banka» faktyčna źjaŭlajecca były rasijski bankaŭski funkcyjanier Raman Papoŭ.
X
