Braniravanyja aŭtamabili Raptor, stvoranyja na šasi poŭnapryvadnaha hruzavika KrAZ-6322, pačali pastupać na ŭzbrajeńnie ŭkrainskaj Nacyjanalnaj hvardyi, paviedamiŭ u piatnicu aficyjny sajt MUS Ukrainy.
Hruzavik atrymaŭ braniavuju abaronu, jakaja adpaviadaje nataŭskamu standartu STANAG 4569 — to bok abaraniaje ekipaž i pasažyraŭ jak minimum ad lohkaj strałkovaj zbroi, ručnych hranataŭ i askiepkaŭ artyleryjskich snaradaŭ.
U braniavoj kapsule, jakaja moža być źniataja z płatformy i vykarystoŭvacca jak stacyjanarnaje ŭmacavańnie, mohuć znachodzicca 24 bajcy. Kapsuła maje aŭtanomnuju sistemu kandycyjanavańnia i aśviatleńnia.
«Cudoŭnaja mašyna! Dadajom bujnakalibiernyja kulamioty ŭ lukach z abaronnymi ščytkami — i mašyna hatovaja da bajavych umoŭ», - zaznačyŭ ministr unutranych spraŭ Ukrainy Arsien Avakaŭ.
KrAZ-6322 Raptor byŭ stvorany Kramiančuhskim aŭtamabilnym zavodam sumiesna z kanadzkaj kampanij Streit Armored Group i ŭpieršyniu demanstravaŭsia na mižnarodnaj zbrojnaj vystavie IDEX-2007 u Abu-Dabi.
