U Minsku da Novaha hoda i Kaladaŭ handlovyja i pramysłovyja arhanizacyi pravodziać akcyi i rasprodažy sa źnižkami, paviedamili ŭ pres-słužbie hałoŭnaha ŭpraŭleńnia spažyvieckaha rynku.
Ciapier univiermahi, handlovyja arhanizacyi bujnoha i siaredniaha farmatu, firmiennyja i śpiecyjalizavanyja mahaziny pry farmiravańni roźničnych cen na tavary ŭžyvajuć handlovyja nadbaŭki, siaredni ŭzrovień jakich składaje kala 30%.
Najbolš aktyŭna akcyi i rasprodažy prapanujucca bujnymi handlovymi abjektami horada, dzie ŭ kancy listapada i śniežni projduć adzinyja dni źnižak. U chodzie akcyj pakupnikam budzie davacca skidka 15% na ŭsie niecharčovyja tavary, a pa niekatorych pazicyjach — da 50%.
Na 85 pradpryjemstvach krainy ŭ listapadzie, śniežni i studzieni zapłanavany kaladnyja i navahodnija akcyi — rasprodažy tavaraŭ sa źnižkami. Tak, źnižeńnie adpusknych cen pradastaŭlajecca pradpryjemstvami: «Kamintern» (mužčynskaja adzieńnie - 5%), AAT «Elema» (žanočaja adzieńnie - 10%), «Centr mody» (žanočaja adzieńnie - 7%), «Rečycki testyl» (chatni tekstyl - da 50%) i inš. Adnačasova handlovymi arhanizacyjami na dadzienyja tavary źnižajecca handlovaja nadbaŭka ŭ pamiery 5—20%.
Pakupki sa źnižkami, u tym liku z padarunkami, možna rabić u firmovych kramach i ŭniviermahach Minska, paviedamlaje staličnaje ŭpraŭleńnie spažyvieckaha rynka.
