Va ŭpraŭleńni Śledčaha kamiteta pa Bresckaj vobłaści raspačata kryminalnaja sprava pa fakcie žorstkaha zabojstva žančyny ŭ Pinsku.
Jak paviedamlaje USK pa Bresckaj vobłaści, trup 47-hadovaj niepracujučaj žycharki rajcentra vyjavili ŭviečary 19 listapada na prysiadzibnym učastku jaje doma ŭ pryvatnym siektary mikrarajona Paŭnočny. Śledčymi Pinskaha mižrajonnaha adździeła Śledčaha kamiteta na ciele žančyny byli vyjaŭlenyja cialesnyja paškodžańni, jakija pasłužyli padstavaj dla raspačynańnia spravy pa p. 6 č. 2 art. 139 KK (zabojstva, ździejśnienaje z asablivaj žorstkaściu).
Na nastupnuju ranicu supracoŭniki milicyi zatrymali padazravanaha - 45-hadovaha niepracujučaha miascovaha žychara, jaki, pa słovach susiedziaŭ zabitaj, byŭ znajomy z žančynaj.
Z zatrymanym pracujuć śledčyja USK pa Bresckaj vobłaści. Pravodziacca nieadkładnyja śledčyja i inšyja pracesualnyja dziejańni.
Dla vyśviatleńnia ŭsich abstavinaŭ taho, što adbyłosia pryznačany kompleks sudovych ekśpiertyz.
