U Mastach apieratyŭnikami kryminalnaha vyšuku zatrymany ekshibicyjanist — miascovy žychar 1980 hoda naradžeńnia. Ad lipienia da listapada hetaha hoda mužčyna rehularna demanstravaŭ svaje «vartaści» pablizu parku pa vulicy Savieckaj.
Jak dakładvaje UUS Hrodzienskaha abłvykankama, nieprystojnuju karcinu vymušanyja byli suzirać vyklučna pradstaŭnicy słabaha połu z liku niepaŭnaletnich školnic, jakija prachodzili mima miesca, dzie arudavaŭ padazravany.
Pavodle infarmacyi staršaha opierupaŭnavažanaha adździeła kryminalnaha vyšuku Mastoŭskaha RAUS Ivana Syča, ciapier havorka idzie pra piać faktaŭ supraćpraŭnych dziej. Ale jość padstavy mierkavać, što heta nie ŭsio. Sa słoŭ mužčyny, jon zajmaŭsia hetymi rečami vyklučna ŭ stanie ałkaholnaha apjanieńnia paśla svarak z sužycielkaj, kab adpomścić žančynam.
