Ministerstva abarony Łatvii zajaviła ab vyjaŭleńni ŭ terytaryjalnych vod krainy rasijskaj padvodnaj łodki. Ab hetym paviedamlajecca ŭ tvitery viedamstva ŭ niadzielu, 23 listapada.
Padłodku kłasa Kilo (abaznačeńnie, pryniataje ŭ NATA dla rasijskich padvodnych łodak prajekta 877 «Pałtus» i prajekta 636 «Varšavianka») zaŭvažyli ŭ vyklučnaj ekanamičnaj zonie Łatvii za 27 marskich milaŭ ad miažy terytaryjalnych vod.
Inšych padrabiaznaściaŭ ŭ Minabarony Łatvii nie paviedamili.
Kala tydnia tamu łatvijskija vajskoŭcy taksama ŭ vyklučnaj ekanamičnaj zonie krainy vyjavili rasijski vajskovy karabiel «Žyhuloŭsk GS-19», nahadvaje vydańnie Delfi. Pavodle jaho źviestak, za apošnija dva tydni aktyŭnaść rasijskaha Vajenna-marskoha fłotu kala łatvijskich miežaŭ fiksavałasia piać razoŭ.
U kastryčniku ab vyjaŭleńni «zamiežnaj padvodnaj aktyŭnaści» paviedamiła Minabarony Šviecyi. ŚMI paviedamlali, što havorka idzie pra rasiejskuju padłodku. Apieracyja pa pošuku submaryny nie dała vyniku.
Na minułym tydni hienieralny sakratar NATA Jens Stołtenbierh zajaviŭ, što paloty rasijskich bambavikoŭ i źniščalnikaŭ stvarajuć pahrozu dla jeŭrapiejskich hramadzianskich samalotaŭ. Jon udakładniŭ, što samaloty RF ŭvachodziać u mižnarodnuju pavietranuju prastoru biez papiaredžańnia, adklučajučy pieradatčyki, jakija dazvalajuć samalotam zasiekčy adzin adnaho. Heta stvaraje ryzyku sutyknieńnia vajennych samalotaŭ z cyvilnymi.
