Vykładčyk Lvoŭskaha nacyjanalnaha univiersiteta imia Ivana Franka Śviatasłaŭ Litynski vyjhraŭ sud ab admienie ruskamoŭnaj staronki va ŭkrainskim pašparcie.
Jak paviedamiŭ u Facebook sam pazoŭnik, takoje rašeńnie ŭ paniadziełak pryniaŭ Lvoŭski akruhovy administracyjny sud.
Spasyłajučysia na normy ŭkrainskaha zakanadaŭstva, spadar Litynski patrabavaŭ ad Dziaržaŭnaj mihracyjnaj słužby prybrać druhuju staronku ŭkrainskaha pašparta, jakaja dubluje infarmacyju ab hramadzianinie na ruskaj movie.
U Hałoŭnym upraŭleńni Dziaržaŭnaj mihracyjnaj słužby paviedamili, što viedamstva budzie padavać apielacyju na prysud.
Akramia taho, tam adznačyli, što mihracyjnaja słužba nie moža vykanać rašeńnie suda, pakolki zakon nie praduhledžvaje miechanizmaŭ jaho vykanańnia.
