U druhoj pałovie dnia 24 listapada rasijskija pahraničniki zatrymali biełaruskuju niezaležnuju žurnalistku Łarysu Ščyrakovu i jaje vadziciela Kanstancina Žukoŭskaha, jakija pracujuć u Homieli.
Žurnalistka zdymała na videakamieru materyjał na biełaruska-rasijskaj miažy ŭ Dobrušskim rajonie, a zatym jany razam z vadzicielem pierajechali praź miažu na terytoryju Rasii i tam zdymali na videa hruzaviki, jakija ruchajucca ź Biełarusi. Žurnalistka rychtavała siužet pra abmiežavańnie Rasijaj tranzitu ekspartu ź Biełarusi.
Jak paviedamiŭ BiełaPAN Žukoŭski, ich spynili rasijskija pahraničniki, zabrali pašparty i pačali apytańnie, ź jakoj metaj pravodziacca zdymki.
Ciapier Ščyrakovu apytvajuć supracoŭniki ŭ cyvilnym, jakija nie nazvali siabie. Jak miarkuje Žukoŭski, heta mohuć być supracoŭniki FSB.
