Viarchoŭny pradstaŭnik Jeŭrapiejskaha sajuza pa zamiežnych spravach i palitycy biaśpieki Fiederyka Mahieryni ličyć, što Jeŭrapiejski sajuz čakaje ad ukrainskich uładaŭ pradastaŭleńnia statusu aŭtanomii dla Danbasa. Pra heta jana zajaviła ŭ intervju aŭstryjskamu vydańniu Kurier.
«Pavaha da kultury i movie ludziej, statusu aŭtanomii dla uschodu i instytucyjnych reformaŭ», — adkazała Mahieryni, adkazvajučy na pytańnie, čaho ES čakaje ad Kijeva.
Taksama jana adznačyła, što aficyjnyja ŭkrainskija ŭłady pavinny praciahnuć akazańnie humanitarnaj dapamohi pierasialencam, a taksama nadać uvahu baraćbie z karupcyjaj.
«Nieabchodna niešta zrabić z karupcyjaj, ekanomika pavinna pracavać. Ukraina niasie adkaznaść za pieraŭtvareńni», — dadała jana.
16 vieraśnia 2014 h Viarchoŭnaja Rada Ukrainy pryniała zakon ab śpiecyjalnym statusie Danbasa. Pavodle hetahazakona na častcy terytoryj Danieckaj i Łuhanskaj abłaściej na try hady ŭvodzicca asablivy paradak kiravańnia.
Adnak 3 listapada prezident Ukrainy Piatro Parašenka zajaviŭ ab mahčymaj admienie hetaha zakona z-za vybaraŭ, jakija prajšli 2 listapada ŭ samaabvieščanych Danieckaj i Łuhanskaj «narodnych respublikach».
