Dapamahli joj u hetym ščaślivy vypadak i «Alfa-Bank».
Imia maładoj biełorusckoj vijałančelistki Kaciaryny Mironavaj užo dobra viadomaje ŭ muzyčnych kołach. Trya, u składzie jakoha jana vystupaje, letaś atrymała druhuju premiju na II Mižnarodnym konkursie kamiernych ansamblaŭ i kvartetaŭ imia N.Rubinštejna. A historyja našaj suajčyńnicy, jakaja ciapier vučycca ŭ Maskoŭskaj kansiervatoryi, u niečym vielmi padobnaja na kazku. U siamji Kaciaryny nie było znakamitych muzykaŭ, ale ź dziacinstva dziaŭčyncy padabałasia śpiavać, vystupać na ranišnikach, a samaj zapavietnaj maraj byŭ… baraban. Viadoma, z časam pieravahi ŭ muzyčnych instrumientach «pastaleli».
— Ja žudasna chacieła ihrać na skrypačcy abo na pijanina, — uspaminaje Kaciaryna. — Ale kali my pryjšli na prasłuchoŭvańnie ŭ muzyčnuju škołu, akazałasia, što naboru ŭ kłasy pa hetych muzyčnych instrumientaŭ užo niama. Mama tady skazała: «Niachaj budzie niešta inšaje, hałoŭnaje, nie bajan i nia bałałajka».
I voś praź niekalki dzion Kaciaryna vyjaviła, što jaje proźvišča samotna krasujecca ŭ śpisach tych, chto pastupiŭ u kłas vijałančeli.
— Mnie tady zdavałasia, što heta niešta vialikaje i strašnaje, — śmiajecca dziaŭčyna. — Ja navat nazvu zapomnić doŭha nie mahła, i kali ŭ mianie pytalisia: «Na čym ty budzieš ihrać?» — kazała: «Na kałančeli».
Toje, što ŭsio dalejšaje žyćcio budzie źviazana mienavita z muzykaj, Kacia zrazumieła, kali ŭ 9-m kłasie baćki kupili joj pieršuju cełuju vijałančel, niamieckuju fabryčku. I voś tut usio zakruciłasia, jak u kino. U hety čas u Minsku prachodzili majstar-kłasy znakamitaha vijałančelista Alaksandra Buzłova. Paznajomiŭšysia ź im, Kacia ćviorda vyrašyła pastupać u Maskoŭskuju kansiervatoryju da jaho ŭ kłas. Kažuć, što kali čahości vielmi chacieć, to jano abaviazkova zbudziecca. Voś i ŭ Kacinym vypadku vyjšła mienavita tak: u 2010 hodzie stała studentkaj.
— Za hetyja čatyry hady byli kancerty, pajezdki, udzieł u konkursach i pryzy, — raspaviadaje Kaciaryna. — Ale było niešta, što byccam by ciahnuła mianie nazad. I hetym «niešta» była vijałančel. Maja niamieckaja fabryčka, viadoma, stała za hetyja hady majoj najlepšaj siabroŭkaj, ale, na žal, zabirała ŭ mianie vielmi šmat sił i času, kab pieramahčy niejkija hukavyja prablemy. Pačalisia doŭhija pošuki svajho instrumienta. Bo heta dla muzyki — samy blizki siabar, jaki nie tolki adčuvaje nastroj, ale i sam kapryzić, chvareje.
Dapamoh dziaŭčynie jaje piedahoh: prapanavaŭ zamović instrumient u svajho siabra, maładoha talenavitaha majstra Jakuba Žebrana. Jon zaraz pracuje ŭ Bierlinie, a siarod jaho prac — kopii instrumientaŭ viadomych italjanskich majstroŭ, u tym liku Stradyvary. Na jaho vijałančelach ihraje i sam Buzłoŭ, i takija viadomyja vijałančalisty, jak Dzianis Šapavałaŭ (łaŭreat konkursu Čajkoŭskaha), Alaksandr Ram (łaŭreat šmatlikich mižnarodnych konkursaŭ)…
— Było stolki sumnievaŭ: ci mahu ja być u adnym śpisie z takimi muzykami, ci padychodzić dla hetaha moj uzrovień? Nu i, viadoma, pytańnie cany: vijałančel kaštuje 22 tysiačy jeŭra, — dzielicca pieražyvańniami vijałančalistka. Častka sumy Kaci dapamahli sabrać siabry. A voś što dalej? Ale i tut u žyćcio Kaci znoŭ ŭmiašaŭsia cudoŭny vypadak: jaje baćka padumaŭ i ŭziaŭ kredyt u «Alfa-Banku», u jakim absłuhoŭvajecca jaho kampanija. Dziakujučy hetamu, doŭhačakany padarunak pryjechaŭ da Kaci jakraz napiaredadni 2014 hoda.
Paśla Novaha hoda Kaciaryna Mironava vystupić u Minsku razam z Ajman Bajmułdzinaj i Nastaśsiaj Strelnikavaj.
— Pieršyja miesiacy my ź vijałančellu pryvykali adna da adnoj, - uspaminaje Kacia. — Časam ja vielmi bajałasia, što joj nie spadabajecca naša chałodnaja zima i aciapleńnie ŭ kvatery. Ale ŭsio skłałasia. Moj novy instrumient «padkazaŭ», dzie ŭ maim hrańni byli zahany, i ja viedała, jak nam razam ich vypravić. Ale samaje niečakanaje było toje, što mianie stali ŭsio čaściej zaprašać u vielmi mocnyja kansiervatorskaja składy, ja pavieryła ŭ svaje siły i zrazumieła, što šmat čaho mahu damahčysia.
Darečy, u žycharoŭ i haściej stalicy jość mahčymaść na svaje vočy ŭbačyć talenavituju vijałančalistku i pasłuchać jaje ihru. Paśla Novaha hoda Kaciaryna Mironava vystupić u Minsku razam z Ajman Bajmułdzinaj i Nastaśsiaj Strelnikavaj.
