Zavieršana sprava ślesara AAT «Parečča-Aresa», jaki ź pnieŭmatyčnaha pistaleta streliŭ u traktar.

Ranicaj 12 kastryčnika žychar vioski Parečča Akciabrskaha rajona na spadarožnym transparcie nakiravaŭsia na pracu ŭ viosku Laskavičy. Pa darozie viaskoviec nabyŭ u kiroŭcy, jaki jaho padvoziŭ, pnieŭmatyčny pistalet. A kali pryjechaŭ na pracu, spravy dla jaho i znajšłosia — adpuścili damoŭ. Ale ślesar pierad viartańnie vypiŭ z naparnikam butelku harełki. A tady razam pajšli na darohu łavić spadarožnuju mašynu.

«Kala pavarotu na viosku Repin da niećviarozaj kampanii padyšoŭ viaskovy pastuch. 28-hadovy abvinavačany, demanstrujučy pjanuju zuchavataść, niekalki razoŭ streliŭ ź pistaleta pa darožnych znakach. Nie patrapiŭšy, streliŭ u łabavoje škło traktara.

U vyniku škło patreskałasia i absypałasia. Traktaryst nie paciarpieŭ.

Niećviarozy chulihan byŭ zatrymany supracoŭnikami Akciabrskaha RAUS u parku vioski Charomcy», — paviedamili va ŭpraŭleńni Śledčaha kamiteta pa Homielskaj vobłaści.

Strałok padčas śledstva pryznaŭ vinu i raskajaŭsia. Kampiensavaŭ naniesienuju škodu.

Sud pryznačyŭ jamu pakarańnie ŭ vyhladzie štrafu — 7,5 miljonaŭ rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?