ZŠA chočuć dać krainam Uschodniaj Jeŭropy braniatankavuju techniku, pavialičyŭšy takim čynam kolkaść techniki ŭ składzie sił NATA. Pra heta ŭ sieradu, 26 listapada, paviedamlaje Agence France-Presse.

Vajennaja technika i vajskoŭcy ZŠA budzie nakiravana va Uschodniuju Jeŭropu ŭ ramkach vučeńniaŭ «Atłantyčnaja rašučaść».

«Vajskoŭcy (NATA) prybuduć, voźmuć udzieł u vučeńniach i viernucca (u rajony dysłakacyi), a technika zastaniecca», — paviedamiŭ kamandujučy suchaputnymi vojskami ZŠA ŭ Jeŭropie hienierał-lejtenant Frederyk «Ben» Chodžes.

Jon zajaviŭ, što pakidać techniku ŭ Jeŭropie značna «tańniej», čym pieravozić jaje nazad u ZŠA praz Atłantyku. Chodžes udakładniŭ, što ŭsiu tuju techniku, jakaja zastaniecca paśla vučeńniaŭ, raźmiarkujuć pamiž krainami-čalcami NATA. Krainy Uschodniaj Jeŭropy tak ža jaje atrymajuć.

«Ja maju namier razhledzieć mahčymaść raźmiaščeńnia techniki (…) Vierahodna, u krainach Bałtyi, Polščy, Rumynii, Bałharyi i inšych anałahičnych miescach», — rastłumačyŭ jon.

U Jeŭropu ŭžo dastavili amal 50 adzinak vajennaj techniki. U bližejšym časie ZŠA płanuje pastavić dadatkova 100 tankaŭ M1 Abrams.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?