25 listapada zafiksavana ruch dźviuch kałon vajennaj techniki z Rasii ŭ bok Łuhanska praz punkt propusku «Izvaryn».
Pra heta padčas bryfinhu paviedamiŭ śpikier Infarmacyjnaha centra RNBA Andrej Łysienka.
Pavodle jaho słoŭ, havorka idzie pra 40 hruzavikoŭ u supravadžeńni 2 broniemašyn i UAZa, bolšaść ź jakich — tentavanyja KamAZy. 7 aŭtamabilaŭ pieravozili vajennych, bolš za 20 aŭtamabilaŭ pieravozili na pryčepach artyleryjskija ŭstanoŭki.
Akramia hetaha, praz punkt propusku «Daŭžanski» ŭ napramku Antracyta Łuhanskaj vobłaści taksama nakiravalisia 10-12 tentavanych vajennych hruzavikoŭ.
«Padkreślim, što mienavita ŭ hetych punktach propusku Rasija zabłakavała pracu naziralnaj misii ABSIE», — skazaŭ Łysienka.
Ciapier u Danieckaj i Łuhanskaj abłaściach pracujuć 142 naziralniki, ź jakich 11 źjaŭlajucca hramadzianami Rasii, stolki ž — z ZŠA, 14 naziralnikaŭ źjaŭlajucca hramadzianami Vialikabrytanii. Bolšaść naziralnikaŭ — pradstaŭniki jeŭrapiejskich krain, u pryvatnaści, krain Centralna-Uschodniaj Jeŭropy.