Fota Siarhieja Hudzilina.
Da kastryčnika 2014 hoda Aleh Pralaskoŭski zajmaŭ pasadu staršyni Rady humanitarnaha supracoŭnictva dziaržavaŭ – udzielnic SND. Tahačasny ministr infarmacyi Biełarusi byŭ abrany ŭ 2012-m, da jaho kiraŭnikom byŭ daradca prezidenta Tadžykistana Saidmurod Fatojeŭ.
Na apošnim pasiedžańni Rady novym staršynioj zamiest Pralaskoŭskaha byŭ abrany kiraŭnik Aparata prezidenta Respubliki Armienija Vihien Sarhsian. A ŭłasna miesca Pralaskoŭskaha ŭ Radzie zaniała jahonaja pierajemnica na pasadzie ministra infarmacyi Biełarusi Lilija Ananič.
Rada pa humanitarnamu supracoŭnictvu SND była zasnavanaja ŭ listapadzie 2006 hoda. Utvareńnie padtrymali ŭsie krainy SND, aproč Turkmienistana. Rada dziejničaje dziela padtrymańnie stasunkaŭ pamiž krainami ŭ halinie kultury, adukacyi, navuki, archivaŭ, ŚMI, sporta, turyzmu, pracy z moładździu. Pasada chutčej naminalnaja, čym realnaja.
Rada pa humanitarnym supracoŭnictvie sumiesna ź Miždziaržaŭnym fondam humanitarnaha supracoŭnictva dziaržaŭ — udzielnic SND uručaje štohadovuju premiju «Zorki Sadružnaści». Letaś łaŭreatami ŭ litaratury stali biełarusy Aleś Karlukievič i Aleś Badak. Kožny ź ich atrymaŭ pa 28 tysiač dalaraŭ uznaharody. A jašče raniej premiju atrymlivaŭ staršynia aficyjnaha sajuzu piśmieńnikaŭ Mikałaj Čarhiniec.
51-hadovy Aleh Pralaskoŭski byŭ zvolnieny z pasady ministra infarmacyi ŭ červieni 2014-ha. Novaha pryznačeńnia va ŭładzie jašče nie atrymaŭ.
